Naliko....

Nalika sepisanan sliramu rawuh,
ing plataraning atiku iki
ngujiwating esemmu kuwawa nggonjingake jagading rasaku
kang gumulung geleng anglari sumempyoking banyu sengsem
kang dak antu ing gisiking tlaga wening
ing wewengkon gumrininging pasuryanmu

nalika sliramu anyandhi sengsem,
ing wungkulaning atiku iki
nyuntak rasa anglarung wijiling tresna
ngrenda gumebyaring pangentha-entha
ngrukti jumbuhing atiku lan atimu
nyandhi pepethan kang karob segara madu

nalika atiku lan atimu amiwaha endahing tresna
lelumban ing lumahing rembulan
sliramu oncat ngawiyat
bareng sumiliring angin sowan Hyang Widi

tinggalana aku esem ngujiwatmu,
bisoa dak anggo ngeneng-enengi tangisku
tinggalana aku endahing kasulistyanmu,
bakal dak larung ing sendhanging rasaku
dak aturi rawuh ing pangangenku,
ing saben panrawang nglambrang ing awang-awang

paseksen tumapaking ubaya
tan kemba ilining tresna

naliko.....
aku lan sliramu durung bisa ketemu
rasane ora tentrem lan ora kepenak ning pikiranku
amarga ana rasa kangen ning atiku